Amérikining urush paraxotliri shimali koriyining sün'iy hemrah qoyup bérish herikitini közitish üchün yolgha chiqti

Amérikining kichik tiptiki weyran qilghuchi urush paraxotliri shimali koriyining sün'iy hemrah qoyup bérish herikitini közitish üchün yolgha chiqqan bolup, birleshme agéntliqida körsitilishiche, mezkur amérika paraxotliri bashqurulidighan bombilargha iz qoghlap egishish we tosup qélish iqtidarigha ige iken.
Muxbirimiz jüme
2009-03-30
Share

Shimaliy koriye da'iriliri kéler ayning béshida bir alaqe sün'iy hemrahisini orbitigha chiqiridighanliqini uqturghan bolsimu, emma amérika, yaponiye we jenubi koriye qatarliq döletler, emeliyette shimali koriyining shu bahanide bashqurulidighan bomba siniqi élip barmaqchi dep qaraydighanliqini bildürüshken.

Xewerde körsitilishiche, amérika déngiz armiyisining weyran qilghuchi jon mékkéyin namliq herbiy paraxoti düshenbe küni etigende jenubi koriyining busan portidin yolgha chiqqan bolup, weyran qilghuchi shefi namliq herbiy paraxot shu küni kechqurun yolgha chiqqan. Emma herbiy da'iriler mezkur paraxotlarning menzilini ashkarilimighan.

Melum bolushiche, yaponiye herbiy da'irilirimu ilghar radarlar bilen qorallan'ghan bashqurulidighan bomba tosughuchi ikki herbiy paraxotini özining jenubi déngiz tewesige yötkigen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet