Hazir “Amérikida ishlen'gen” péchetlik mallar bazar tapmaqta

“Amérikida ishlen'gen” péchetlik yéngi pasondiki kiyimler hazir amérikida istémalchilar arzulaydighan mal bolup qaldi.
Muxbirimiz weli
2012.04.25

“Amérika awazi” ning bayan qilishiche, “Amérikida ishlen'gen” péchetlik yéngi pasondiki kiyimlerni ishleshte dang chiqiriwatqan jenubiy kaliforniye rayonidiki “Yéngi pason jem'iyiti” ge eza shirketler yéngidin qobul qilghan ishchi sani hazir 150 mingdin ashti. Bu jem'iyet ishligen mallar hazir pasonining yéngiliqi we süpitining elaliqi bilen bashqa döletlerdimu bazar tapmaqta.

Buningdin burun amérikidiki kiyim shirketliri ishlepchiqirish séxlirini bir-birlep bashqa döletlerge, bolupmu emgek küchi erzan, mehsulatning tennerxi töwen toxtaydighan xitaygha yötkep ketken idi. Shuning bilen amérikidiki ish pursetlirimu bashqa döletlerge kétip qalghan idi. Ishchilar hazir xitayning xelq'ara emgek qanunigha we pulning oborottiki qimmitige hörmet qilmighanliqidin bizar boldi.

Amérika shirketlirimu chet'ellerdiki ishlepchiqirish séxlirini öz dölitige qayturup keldi. Buning bilen amérika baziri qaytidin güllinishke we “Amérikida ishlen'gen” péchetlik mallar chet'ellerdimu bazar tépishqa bashlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.