Amérika: obamaning xitay ziyaritidin teywenning endishe qilishi hajetsiz

Amérikining teywende turushluq wekili peyshenbe küni teywen da'irilirini obamaning xitay ziyaritidin xatirjem bolushqa chaqirip, teywenliklerdiki endishining hajetsiz ikenlikini bildürgen.
Muxbirimiz erkin
2009-10-22
Élxet
Pikir
Share
Print

Amérikining teywendiki wakaletxanisining mudiri willi'am stanton amérikining teywen siyasitide özgirish bolmighanliqini, obama hökümitining "teywen munasiwet qanuni"gha ri'aye qilidighanliqini ilgiri sürgen. Stanton prézidént obamaning 11 - ayda élip baridighan xitay ziyariti heqqide toxtilip, "bu yerde bolupmu teywenning endishe qilishi hajetsiz" dégen.
 
Stanton obama bilen xu jintawning söhbitide teywen mesilisining otturigha qoyulidighanliqidin shubhilenmeydighanliqini, lékin pilandiki mesililer teywen boghuzi bilen cheklenmeydighan rayon xaraktérlik mesililerge chétilidighanliqini ilgiri sürgen. U mundaq deydu: "obama hökümiti dewride amérikining teywen'ge qaratqan siyasitide özgirish bolmidi... Shundaqla men bu mesilide tasadipi yéngiliqlar bolidu, dep qarimaymen."

Nöwette xitaygha munasiwetlik her qaysi tereplerning diqqiti prézidént obamaning 11 - ayda élip baridighan xitay sepirige tikilgen bolup, teywen, Uyghur we tibetlerge oxshashla obamaning ziyaritini özlirining kélechek nuqtisidin nahayiti muhim ziyaret, dep qarawatqan tereplerning biridur.

Amérika 1979 - yili teywen bilen bolghan diplomatik munaswitini üzüp, xitayni tonighan bolsimu, lékin "teywen munasiwet qanuni" maqullap, teywenning bixeterlikini qoghdash mes'uliyitini üstige alghan idi. Teywen mesilisi her qétimqi amérika - xitay bashliqlar söhbitide otturigha qoyulidighan nigizlik mesililerning biri bolup kelgen.
 
Toluq bet