Amérika ottura sherqqe alahide heriket qisimliri ewetishni pilan qilmaqta iken

Xewerlerge qarighanda, amérika da'iriliri yemende keskinlishiwatqan urush we jiddiylishiwatqan iran mesilisini közde tutup ottura sherqqe zor bir türküm alahide heriket qisimliri ewetishni pilan qilmaqta iken.
Muxbirimiz jüme
2012.01.28

“Washin'gton pochtisi” gézitide bu heqte bérilgen xewerge qarighanda, nöwette amérika déngiz armiye da'iriliri wezipidin qaldurulush aldida turghan bir chong tiptiki urush paraxotini özgertip, uni déngizda yüridighan kichik tiptiki herbiy bazigha aylandurushni telep qilghan.

Bu xildiki urush paraxotliri alahide heriket qisimlirining tik'uchar ayropilanliri we kichik tiptiki tiz yürek kémilerni qozghilish we hujum teshkillesh meydani bilen teminliyeleydiken.

Halbuki déngiz armiye qomandanliq shtabi bu leylime bazining qachan we qeyerge qurulidighanliqi heqqide toxtilishni xalimighan.

Ismini ashkarilashni xalimighan yene déngiz armiye ofitséri “Leylime baza”ning derijidin tashqi tiz sürette yasiliwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.