Америка президент сайлими паалийәтлири давамлашмақта

Америка президенти сайлими йетип келиш алдида туриватқан бу күнләрдә америкида сайлам паалийәтлири күчәймәктә. Шәнбә америка президент намзати вә һазирқи президент барак обама шәнбә күни нутуқ сөзләп, асаслиқи иқтисадий мәсилиләр һәққидә тохталған. Җумһурийәтчиләрдин келип чиққан президент намзити ромнейму нутуқ сөзләп, қандақ қилғанда техиму қудрәтлик америка қуруп чиқиш мумкинликини дәлиллигән. Новәттә, бу икки намзат нәқ мәйдан муназириси өткүзүшкә тәйярлиқ қилмақта. Мәзкур муназирә президент сайлимидики әң муһим вә әһмийәтлик паалийәт һесаблиниду.
Мухбиримиз үмидвар
2012.09.30


30 - Сентәбир күни “ниуйорк вақти”гезити мақалә елан қилип, обаманиң хитайға нисбәтән қаттиқ сиясәт қолланғанлиқини шәрһилиди. Мақалидә көрситилишичә, 2010 - йили, обама хитай рәиси ху җинтав билән сеулда көрүшкәндә хитайниң шималий корийә мәсилисидә техиму зор тиришчанлиқ көрситиши лазимлиқи, әгәр ундақ қилинмиғанда америкиниң һәрикәт қоллинишқа мәҗбур болидиғанлиқини агаһландурған. Мақалидә йәнә обаманиң тинч окян - асия райони сияситидә хитайға нисбәтән қоршав пәйда қилғанлиқи вә башқа көплигән тәрәпләр көрситилгән. Нөвәттә, америка җумһурийәтчиләр партийисиниң әрбаблири, җүмлидин президент намзати ромнәй обамани хитайға юмшақ сиясәт қолланғанлиқи билән тәнқид қилған иди. Хитай сиясити икки президент намзатиниң муназирсидин орун елиши җәзимләштүрүлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.