Amérika prézidént saylimi pa'aliyetliri dawamlashmaqta

Amérika prézidénti saylimi yétip kélish aldida turiwatqan bu künlerde amérikida saylam pa'aliyetliri kücheymekte. Shenbe amérika prézidént namzati we hazirqi prézidént barak obama shenbe küni nutuq sözlep, asasliqi iqtisadiy mesililer heqqide toxtalghan. Jumhuriyetchilerdin kélip chiqqan prézidént namziti romnéymu nutuq sözlep, qandaq qilghanda téximu qudretlik amérika qurup chiqish mumkinlikini delilligen. Nowette, bu ikki namzat neq meydan munazirisi ötküzüshke teyyarliq qilmaqta. Mezkur munazire prézidént saylimidiki eng muhim we ehmiyetlik pa'aliyet hésablinidu.
Muxbirimiz ümidwar
2012-09-30
Share


30 - Séntebir küni "Ni'uyork waqti"géziti maqale élan qilip, obamaning xitaygha nisbeten qattiq siyaset qollan'ghanliqini sherhilidi. Maqalide körsitilishiche, 2010 - yili, obama xitay re'isi xu jintaw bilen sé'ulda körüshkende xitayning shimaliy koriye mesiliside téximu zor tirishchanliq körsitishi lazimliqi, eger undaq qilinmighanda amérikining heriket qollinishqa mejbur bolidighanliqini agahlandurghan. Maqalide yene obamaning tinch okyan - asiya rayoni siyasitide xitaygha nisbeten qorshaw peyda qilghanliqi we bashqa köpligen terepler körsitilgen. Nöwette, amérika jumhuriyetchiler partiyisining erbabliri, jümlidin prézidént namzati romney obamani xitaygha yumshaq siyaset qollan'ghanliqi bilen tenqid qilghan idi. Xitay siyasiti ikki prézidént namzatining munazirsidin orun élishi jezimleshtürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet