Америка қирғизистанға 49 милйон доллар ярдәм бәрмәкчи

Алдинқи күни бешкәктә ечилған қирғизистанға ярдәм бериш һәққидики хәлқаралиқ йиғинда, америка қирғизистанға 49 милйон доллар ярдәм беришкә тәйяр икәнликини билдүргән. Мәзкур йиғин дуня банкиси тәрипидин уюштурулған болуп, қирғизистанниң ош вә җалалабад шәһәрлиридә зиянкәшликкә учриған аһалиләргә ярдәм бериш вә қирғизистан дөләт апаратлирини ислаһ қилииш вә мукәммәлләштүрүшни мәқсәт қилған мәзкур йиғинда, һәр қайси дөләтләр қирғизистанға җәмий 1милярд доллардин артуқ ярдәм беридиғанлиқи һәққидә вәдә бәргән. Бу пул бир қанчә қисимға бөлүнүп, бәлгилик муддәт ичидә берилмәкчи.
Мухбиримиз шөһрәт һошур
2010.07.30

Америка ош вә җалалабадта вәқә йүз бәргән чағда, мусапирлар үчүн җәмий 4 милйон доллар ярдәм қилған иди. Америка бу қетим беридиған 49 милйон долларни асаслиқи қирғизистанниң иқтисадий тәрәққияти үчүн беридиғанлиқини вә бу пулниң ишлитилиш әһвалини толуқ көзитип маңидиғанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.