Washin'gtondiki sotta Uyghur tutqunlarning amérikidin panahliq tilesh hoquqi barliqi ilgiri sürüldi

Bügün washin'gtonda gu'antanamoda qamalghan Uyghur tutqunlarni amérikigha qoyup bérish hökümini küchke ige qilish yaki aghdurup tashlash üstide élip bérilghan sotta, amérika hökümet wakaletchiliri bilen Uyghur tutqunlarning adwokatliri arisida munaziriler élip bérilghan bolsimu, lékin Uyghur tutqunlar mesilisi üstidin éniq qarar élinmidi.
Muxbirimiz jüme
2008.11.24

Amérika hökümiti wakaletchiliri sotchi urbina ependining Uyghur tutqunlarni amérikigha qoyuwétish hökümi mezkur sotchining hoquq da'irisidin halqip ketken buyruq dep körsetti we bu Uyghurlarni amérikigha élip kélishke bolmaydighanliqini, nöwette amérika hökümitining bu Uyghurlarni alidighan bashqa bir dölet tépishqa tirishchanliq körsitiwatqanliqini tekitleshti.

Emma, Uyghur tutqunlarning bash adwokati séybin willet ependi, gunahsizliqi ispatlan'ghan Uyghur tutqunlarning, hökümet ularni bashqa yerlerge orunlashturghiche bolghan jeryandimu yene türmige muptila qilinmasliqi lazimliqini otturigha qoydi.

Séybin willet yene, amérika erziyet soti sotchiliridin, sotchi urbinaning hökümini küchke ige qilip Uyghur tutqunlarni amérikigha qoyup bérishke ündidi.

7 - Öktebir amérika fédératsiye sotida, sotchisi richardo urbina gu'antanamodiki Uyghur tutqunlarning amérikigha qoyup bérilishi kéreklikini buyrighan bolsimu, emma amérika hökümiti amérika erziyet sotigha mezkur qarar ustidin erz sunup sotchi urbinaning hökümini bikar qilishqa urun'ghan idi.

Gerche bu nöwetlik sotta sotchi urbinaning hökümini küche ige qilish we yaki aghdurup tashlash heqqide éniq bir qarar élinmighan bolsimu, lékin bu nöwetlik sotta Uyghur tutqunlarning gu'antanamoda turup amérikidin panahliq tilesh hoquqi barliqi ilgiri sürüldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.