Америка җумһурийәтчиләр партийисиниң муавин президент намзати америка иқтисадини җанландуридиғанлиқини вәдә қилди

Америка җумһурийәтчиләр партийисиниң муавин президент намзати паул райин чаршәнбә күни ахшам җумһурийәтчиләр партийисиниң қурултийида рәсмий намзатлиқни қобул қилди.

2012.08.30
Share on WhatsApp
Share on WhatsApp

У, түнүгүн қилған сөзидә, президент намзати мит рамний әгәр президент болған вә өзи муавин президент болған тәқдирдә, америка иқтисадини җанландуридиғанлиқини, дөләтниң чиқимини азайтип, оттура вә кичик типтики хусусий карханичиларни йөләйдиғанлиқини вәдә қилди.

Паул райин америка дөләт мәҗлисигә вискансин штатидин әза болуп киргән болуп, у бу йил 42 яшта. У президент намзати мит рамний тәрипидин муавин президент намзатлиқиға көрситилгәндин буян кәң америка җамаәтчиликигә тонулди.

Җумһурийәтчиләр партийисиниң қурултийида түнүгүн сөз қилғанларниң ичидә йәнә сабиқ боз һөкүмити мәзгилидә дөләт ишлири министири болуп вәзипә өтигән кандализа райис ханимму бар. У ахшамқи сөзидә “әгәр җумһурийәтчиләр11-айдики сайламда утуп чиқса, америка қайтидин дуняниң лидири болиду” деди. Кандализа райис ханим обама һөкүмитиниң америкиниң қиммәтлиригә игә чиқалмайватқанлиқини тәнқид қилип “сүрийә һөкүмити өз хәлқини қириватиду, русийә вә хитай хәлқараниң тәдбир елишиға тосқунлуқ қиливатсиму, америка һазирғичә буниңға ениқ позитсийә билдүрмиди” деди.

Америка авазиниң ейтишичә, сайламдин аввал елип берилған бир қисим рай синашлардин, президент намзати мит ромней вә барак обаманиң ойиниң бир-биригә интайин йеқинлишип қалғанлиқи мәлум. Җумһурийәтчиләрниң флорида штатида ечиливатқан қурултийи пәйшәнбә күни ахшам президент намзати мит ромнийниң нутқи билән аяғлашмақчи.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.