Amérika jumhuriyetchiler partiyisining mu'awin prézidént namzati amérika iqtisadini janlanduridighanliqini wede qildi

Amérika jumhuriyetchiler partiyisining mu'awin prézidént namzati pa'ul rayin charshenbe küni axsham jumhuriyetchiler partiyisining qurultiyida resmiy namzatliqni qobul qildi.
2012-08-30
Élxet
Pikir
Share
Print

U, tünügün qilghan sözide, prézidént namzati mit ramniy eger prézidént bolghan we özi mu'awin prézidént bolghan teqdirde, amérika iqtisadini janlanduridighanliqini, döletning chiqimini azaytip, ottura we kichik tiptiki xususiy karxanichilarni yöleydighanliqini wede qildi.

Pa'ul rayin amérika dölet mejlisige wiskansin shtatidin eza bolup kirgen bolup, u bu yil 42 yashta. U prézidént namzati mit ramniy teripidin mu'awin prézidént namzatliqigha körsitilgendin buyan keng amérika jama'etchilikige tonuldi.

Jumhuriyetchiler partiyisining qurultiyida tünügün söz qilghanlarning ichide yene sabiq boz hökümiti mezgilide dölet ishliri ministiri bolup wezipe ötigen kandaliza rayis xanimmu bar. U axshamqi sözide "Eger jumhuriyetchiler11-aydiki saylamda utup chiqsa, amérika qaytidin dunyaning lidiri bolidu" dédi. Kandaliza rayis xanim obama hökümitining amérikining qimmetlirige ige chiqalmaywatqanliqini tenqid qilip "Süriye hökümiti öz xelqini qiriwatidu, rusiye we xitay xelq'araning tedbir élishigha tosqunluq qiliwatsimu, amérika hazirghiche buninggha éniq pozitsiye bildürmidi" dédi.

Amérika awazining éytishiche, saylamdin awwal élip bérilghan bir qisim ray sinashlardin, prézidént namzati mit romnéy we barak obamaning oyining bir-birige intayin yéqinliship qalghanliqi melum. Jumhuriyetchilerning florida shtatida échiliwatqan qurultiyi peyshenbe küni axsham prézidént namzati mit romniyning nutqi bilen ayaghlashmaqchi.

Toluq bet