Amérika soti güentanamoda qélip qalghan axirqi 5 Uyghurning erz - shikayitini anglaydu

Fransiye axbarat agéntliqining amérika edliye da'irilirining sözidin neqil keltürüp xewer qilishiche, 3 kishilik ottura sot kollégiyisi Uyghurlarning adwokatlirini 22‏ - chésla sot mehkimisige kélip, Uyghurlarning erzi - shikayitige chüshenche bérishni buyrughan.

2001 - Yili afghanistanda qolgha élinip, güentanamogha solan'ghan 22 neper Uyghurdin nöwette güentanamoda 5 kishila qaldi. Qalghan 17 kishi ilgiri - kéyin bolup albaniye, tinch okyandiki palaw we bérmudagha orunlashturulghan bolup, gu'entanamoda qélip qalghan axirqi bu 5 Uyghur tinch okyandiki palawgha bérip olturaqlishish teklipini ret qilghanlar idi.

Uyghurlarning adwokatliri washin'gtondiki fédéral ottura sot mehkimisige erz sunup, Uyghurlarning amérikigha qoyup bérilish teklipini oyliship körüshni telep qilghan. 22‏ - Chésla ötküzülidighan sot ularning bu erzige asasen élip bérilidu.

Washin'gton alahide rayonidiki bir fédéral rayonluq sot mehkimisi 2008 ‏- yili 10 ‏- ayda qarar chiqirip, Uyghurlarni amérikigha qoyup bérishke buyrughan bolsimu, lékin 2009‏ - yili fédéral ottura sot mehkimisi rayonluq sotning qararini aghdurup tashlap, tutqunlarni amérika zéminigha qoyup bérish hoquqi hökümetning ixtiyarida ikenlikini ilgiri sürgen.