Amérika süriyidiki bash elchisini qayturup ekeldi

B b s ning xewer qilishiche, amérika hökümitining ishenchlik istixbarat uchurlirigha asasen, süriyidiki bash elchisi robért fortni qayturup kelgen.
Muxbirimiz shöhret hoshur
2011.10.24

Bügün amérikining süriyidiki elchixanisining bir xadimimu bu heqte muxbirlargha melumat bérip, bash elchi robért fortning bixeterlik endishisi bilen qayturup kétilgenlikini bildürgen we buning diplomatik bir menige ige emeslikini eskertken.

Bash elchi robért ford süriyide namayish bashlan'ghandin buyan, öktichilerni qizghin qollap kelgen. U köp qétim bayanat élan qilip besher esed hökümitini qattiq tenqid qilghan we namayishchilarni basturushni toxtitishqa chaqirghan. U aldinqi ayda öktichilerning rehbiri bilen körüshken chéghida besher esed terepdarlirining tuxum we pemidur qatarliq jisimlar bilen hujum qilishigha uchrighan. U ötken hepte yene süriye saqchilirining qiyin-qistaqlirida ölgen bir öktichi zatning ölüm murasimighimu qatnashqan.

Melum bolushiche, shuningdin kéyin, u köp qétim, endishilinerlik derijide tehdit uchurlirini tapshuruwalghan. Emma tehditlerning konkrét qandaq halda qaysi xil tehdit ikenliki hazirche melum emes. Amérika elchixanisi bügünki bayanatida, bash elchi robért fordning süriyige qaytip kélish waqtini, süriyining weziyitining normallishish waqtigha baghliq dep izahat bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.