Amérika merkizi qomandanliq shtabining bashliqi tajikistan prézidénti bilen söhbet ötküzdi

Amérika merkizi qomandanliq shtabining bashliqi général jeymis mattis shenbe küni tajikistan prézidénti imam'eli rehman bilen söhbet ötküzdi.
Muxbirimiz jüme
2012-03-31
Share

Tajikistan prézidénti tajikistanning amérika bilen xewpsizlik we bashqa jehettiki munasiwetlirini téximu küchiyishini arzu qilidighanliqini bildürdi.

Général mattis tajikistanning NATO ning afghanistandiki herbiy heriketlirini qollighanliqigha alahide rehmet éytti we amérikining tajikistanning chégra bixeterlikini qoghdashqa izchil yardem qilidighanliqini bildürdi.

Général mattis yazma bayanatida: bu xilidiki hemkarliq barghanche küchiyiwatidu hemde 2014 - yili xelq'araliq birleshme armiye afghanistandin chékin'gendin kéyin téximu küchiyidu dégen.

Tajikistan 2009 - yili NATO qisimlirining bezi yardem eshyalirini tajikistan arqiliq ötküzüshige qoshulghan idi.

Général mattis peyshenbe özbékistan prézidénti islam kérimof bilen jüme küni türkmenistan prézidénti qurban'güli berdimuhemmedow bilen körüshken.

Melum bolushiche, xelq'ara birleshme armiye 2014 - yili afghanistandin qoshun chékindürgendin kéyinmu, amérika bir qisim eskiri küchini afghanistanda qaldurup qoyushni pilan qilmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet