Amérika herbiy da'iriliri tinch okyan rayonida chong tiptiki herbiy manéwir bashlidi

Düshenbe küni amérika herbiy da'iriliri tinch okyan rayonida 14 mingdin artuq esker qatnashqan chong tiptiki herbiy manéwir bashlidi.
Muxbirimiz jüme
2010-02-01
Share

Bu nöwetlik manéwir "altun közeyneklik yilan 2010" dep atalghan. Bu xildiki manéwir bu yil 29 - yiligha qedem qoyghan bolup, manéwir 1 - féwral etigende taylandning rayung ölkiside bashlandi.

Fransiye agéntliqining körsitishiche, bu nöwetlik manéwirgha amérika, yaponiye, tayland, sin'gapor, hindonéziye we jenubiy koriye qatarliq döletlerdin kelgen jem'iy 14 ming 73 neper eskiriy xadim qatnashqan. Melum bolushiche, bu jenubiy koriyining mezkur manéwirgha tunji qétim qatnishishi iken.

Xewerde neqil qilishiche, taylandta turushluq amérika bash elchisi erk jon, mezkur manéwirning yuqiriqi dölet armiyilirining insaniy yardem we apettin qutquzush wezipilirige mas halda inkas qayturush qedimini tizlitidighanliqini ilgiri sürgen we mezkur manéwirni amérikining tinch okyan rayoni hemde asiyadiki eng chong herbiy manéwiri dep körsetken.

Melum bolushiche, manéwirgha amérika 8 ming 741 neper, tayland 4 ming 985 neper, sin'gapor 140 neper, yaponiye 108 neper we hindonéziye 95 neper esker qatnashturghan.

Uningdin bashqa yene 20 din artuq dölet közetchi süpitide qatnashqan. Manéwir 1 - féwraldin 11 - féwralghiche dawamlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet