Америка дөләт мәҗлиси әзаси тәйвәнгә күрәшчи айропиланларни сетип беришкә амал чиқидиғанлиқини билдүрди

Америка дөләт мәҗлиси әзаси җон корнйн чаршәнбә күни, әгәр америка президенти обама рәт қилған тәқдирдиму тәйвәнгә F-16 типлиқ күрәшчи айропиланларни сетип беришкә амал чиқидиғанлиқини билдүргән.
Мухбиримиз җүмә
2011.08.24

Тәйвән даирилири бу йил баһарда америкидин 6 милярд доллар қиммитидики қорал сетип беришини тәләп қилған болуп, буларниң ичидә 66 данә F-16 типлиқ күрәшчи айропиланларму бар иди.

Обама даирилири хитай тәрәпниң наразилиқини көздә туруп, һазирғичә тәйвәнниң бу тәлипигә ениқ җаваб бәрмигән вә ахирқи қарарниң бу йил өктәбирдә елинидиғанлиқини билдүргән.

Бу һәқтә ахбарат елан қилған дөләт мәҗлиси әзаси җон корнйн бу йил өктәбир яки ноябирда дөләт мәҗлисиниң йеңи бир мудапиә қануний тонуштуридиғанлиқини мушу қанун бойичә тәйвәнгә қорал сетип беришкә йол чиқидиғанлиқини билдүргән.

У йәнә, америка президентиниң бу қанун лайиһисини рәт қилишқа һоқуқи болсиму, мәзкур йеңи қанунда оттуриға қоюлидиған маддиларниң көпинчиси америкиға мунасивәтлик болғачқа обаманиң амалсиз қалидиғанлиқиниму қошумчә қилған.

Америкиниң 1979-йилдики “тәйвән мунасивәтләр қануни” ға асасән америка тәйвәнни қоғдаш вә зөрүр һәрбий ярдәмләрни бериш мәҗбурийитигә игә иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.