Тәйвән, америкниң тәйвәнгә һәрбий әслиһәләрни давамлиқ сетип беришини үмид қилидиғанлиқини билдүрди

Тәйвән даирилири дүшәнбә күни, америка һөкүмитиниң тәйвәнгә һәрбий әслиһәләрни давамлиқ сетип беришини үмид қилидиғанлиқини билдүрди. Тәйвән һөкүмитиниң америкидин кала гөши импорт қилишини чәкләш қарари алидиғанлиқи илгири сүрүлүватқан болуп, бу тәйвән даирилири арисида "америка шу сәвәбтин тәйвәнгә қорал сетип бәрмәслики мумкин" дегән әндишә пәйда қилған иди.
Мухбиримиз җүмә
2010-01-04
Share

Франсийә агентлиқиниң нәқил қилишичә, тәйвән ташқи ишлар министирлиқи баянатчиси ю сизу: " биз америкиниң тәйвәнни мудапиә әслиһәлири билән давамлиқ тәминлишини үмид қилимиз" деди.

Мәлум болушичә, тәйвән даирилири сәйшәнбә күни биләт ташлап, америкидин калиниң ички әзалири вә қийма қилинған кала гөши импорт қилишни чәкләш қарари алидикән.

Тәйбейдә чиқидиған "һөрлүк вақит гезити"дә нәқил қилишичә, тәйвәнниң өзини мәхпий тутқан бир әмәлдари, америкиниң җаза характерлик васитиләрни пәқәт сода саһәсигила қаритип, қорал сетип беришни тәсиргә учратмаслиқини арзу қилидиғанлиқини билдүргән.

Америка тәйвәнниң әң чоң һәрбий қорал тәминлигүчиси болуп, бу америка - хитай мунасивәтлиридики әң муһим сөһбәт темилириниң бири иди.

Америка президенти обаманиң хитайға юмшақ сиясәт йүргүзидиғанлиқи илгири сүрүлгән иди. Әмма, бәзи тәһлилчиләр америка тәйвәнгә қорал сетишни йәнә давамлаштурса, америка - хитай мунасивәтлири йәнә йириклишиду дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт