'Amérika teywen'ge qoral sétishni dawamlashturidu'

Amérikining teywende turushluq elchisi Raymond Burghard bügün, amérikining teywen'ge qoral sétip bérishni dawamlashturidighanliqini ashkarilighan. U aq saray da'irilirining bu nuqtida ortaq pikirde ikenlikini tekitligen. Biraq qoral sétip bérishning konkrét waqti heqqide melumat bérishni ret qilghan.
Muxbirimiz shohret hoshur
2009-12-15
Élxet
Pikir
Share
Print

2008 ‏- Yili 10 - ayda bush hökümiti, amérikining teywen'ge 5.6 Milyard dollarliq qoral sétip béridighanliqini élan qilghan؛ buninggha xitay qattiq naraziliq bildürüp ikki terep arisidiki herbiy alaqini tonglutup qoyghan؛ peqet peqet hillary kilinton xitayni ziyaret qilghan mezgilde ikki terep arisidiki herbiy alaqe eslige kelgen idi.

Mushu ayning béshida amérika tashqi ishlar minstirlikining xadimliridin Robert Kowac aq sarayning teywen'ge qoral sétip bérishi heqqide bir teyyarliq qiliwatqanliqini, yéqinda bu planning amérika dölet mejliside otturigha qoyulidighanliqini bildürgen. Buninggha qarita ötken hepte xitay hökümiti we xitay metbu'ati qattiq naraziliq bildürgen idi.

Mezkur planning pat yéqinda dölet mejliside qoyulidighanliqi we bu seweblik xitayning ikki terep arisidiki herbiy alaqini yene bir qétim toxtitip qoyidighanliqi perez qilinmaqta. Teywen'ge qoral sétip bérish mesilisi amérika‏ - xitay munasiwitidiki eng sezgür témilardin biridur.

Xitay amérikining teywen'ge qoral sétip bérishini "amérikining xitayning zémin pütünlükige hörmet qilish wedisini buzghanliq" dep qarisa, amérika hökümiti buni, 1979 - yili, ikki terep arisida tüzülgen kélishimdiki teywenning dölet mudapi'e ishlirigha yardem bérish shertige uyghun ikenlikini ilgiri sürmekte.

Toluq bet