ئامېرىكا ھەربىي ئەمەلدارى: تەيۋەن يېڭى تىپتىكى ف -16 كۈرەشچى ئايروپىلانلارغا موھتاج

بىر نەپەر ئامېرىكا ھەربىي ئەمەلدارى خىتاي دائىرىلىرىنىڭ تەيۋەنگە يېقىن جايغا ئۇزۇن مۇساپىلىك باشقۇرۇلىدىغان بومبىلارنى كۆپەيتىپ ئورۇنلاشتۇرغانلىقىنى، شۇڭا تەيۋەننىڭ يېڭى تىپتىكى ف - 16 كۈرەشچى ئايروپىلانلارغا موھتاج ئىكەنلىكىنى بىلدۈرگەن.
ﻣﯘﺧﺒﯩﺮﯨﻤﯩﺰ ﺟﯘﻣﻪ
2010-03-27
Share

بۇ ھەقتىكى سۆزلەرنى ئامېرىكا دېڭىز ئارمىيىسى كوماندىرى روبېرت ۋىللارد ئامېرىكا كېڭەش پالاتاسىنىڭ ھەربىي ئىشلار كومىتېتىدا ئوتتۇرىغا قويغان.

ئۇنىڭ بىلدۈرۈشىچە، خىتاي يېقىندىن بېرى رۇسىيىدىن سېتىۋالغان 160 كىلومېتىر مۇساپىلىك يەر يۈزىدىن ھاۋاغا قويۇپ بېرىلىدىغان باشقۇرۇلىدىغان بومبىلارنى كۆپەيتكەنلىكى بۇ بومبىلارنىڭ تەيۋەنگە قارىتىپ ئورۇنلاشتۇرۇلغانلىقىنى بىلدۈرگەن.

رويتېرستا نەقىل قىلىنىشىچە، ۋىللارد ئەپەندى بېيجىڭ دائىرىلىرىنىڭ زۆرۈرىيىتى تېپىلسا قورال كۈچى ئىشلىتىپ تەيۋەننى قوشۇۋېلىش ئارزۇسىدىن يانمىغانلىقىنى ئوتتۇرىغا قويغان.

بۇ يىل يانۋاردا ئامېرىكا دائىرىلىرى تەيۋەنگە 6.4 مىليارد دوللارلىق ھەربىي ئەسلىھە ئەتىپ بېرىدىغانلىقىنى جاكارلىغاندىن كېيىن، ئامېرىكا - خىتاي مۇناسىۋەتلىرىدە جىددىيلىك كۆرۈنگەن ئىدى.

ۋىللارد ئەپەندىنىڭ قارىشىچە، خىتاي ئارمىيىسىنىڭ بارغانچە تەرەققىي قىلىشى تەيۋەن بوغۇزىنىڭ تەڭپۇڭلۇقىنى بۇزغان.
 
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.