Amérika, asiya - tinch okyan rayoni pilanini dawamliq ishqa ashuridu

Amérika dölet mudapi'e ministirlikining da'imliq xizmetlerge mes'ul mu'awin ministiri ashton kartér paytext washin'gtondiki wodrow wilson merkizide sözligen sözide gerche xamchot mesilisi jiddiylishiwatqan bolsimu, emma amérika dölet mudapi'e ministirlikining yéterlik iqtisadiy menbe bilen istratégiyilik merkezni asiya - tinch okyan rayonining tengpungluqini saqlashqa yötkesh pilanini ishqa ashuralaydighanliqini körsetti.
Muxbirimiz ümidwar
2012.10.07
Share on WhatsApp
Share on WhatsApp


Amérika awazining xewer qilishiche, mu'awin mudapi'e ministiri kartér sözide heqiqeten hazir bezi kishilerning amérikining asiya - tinch okyan rayonigha qaritilghan istratégiyilik pilanini ishqa ashuralishigha nisbeten guman bilen qarishining asasi barliqi, biraq amérikining buni emelge ashuralaydighanliqini tekitligen. Istratégiyilik merkezni asiya - tinch okyan rayonigha yötkesh ötken yili prézidénti obama teripidin élan qilin'ghan hemde u awstraliyini ziyaret qilip, awstraliyide amérika qoshunlirini turghuzushqa kélishken idi.

Amérikining asiya - tinch okyan rayonini muhim istratégiyilik merkez qilish pilanigha nisbeten xitay rehberliri jiddiy qarimaqta. Tehlil menbeliride éytilishiche, xitay bu pilanni amérikining xitayning asiya - tinch okyan rayonidiki künsayin küchiyiwatqan tesir küchini cheklesh dep qarighan. Uning üstige yéqinqi waqitlardin buyan jenubiy déngizdiki arallarning igilik hoquq kürishi ewjige chiqishqa bashlighan idi. Nöwette bolsa, yaponiye bilen xitay sénkako arilini merkez qilip küresh qilmaqta.

Amérikining xitay siyasitide xitaygha qandaq siyaset qollinish we xitaygha nisbeten qattiq tedbir qollinish mesilisi prézidént saylimidiki muhim téma, her ikkila namzat obama bilen romnéy bu mesilini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.