Amérika dölet mejlisi we hökümitining xitay ishlar birleshme komitéti Uyghurlar heqqide yighin ötküzmekchi

Amérika dölet mejlisi we xitay ishlar birleshme komitéti 19 - iyul küni Uyghurlar heqqide yumulaq östel yighini chaqiridighanliqini élan qildi. Mezkur organning ashkarilishiche, 19 - chisladiki yighinning témisi "junggoning gherbiy 5: - iyuldiki namayish we toqunushtin bir yil kéyinki shinjang weziyiti" bolup, yighinda amérikining soda, bixeterlik, mudapi'e, tashqi ishlar we kishilik hoquq sahesidiki tetqiqatchi hem pa'aliyetchiler Uyghurlarning nöwettiki weziyitini muzakire qilidiken. Xitay ishlar komitéti mezkur yighin toghrisidiki bayanatida, yighinda söz qilidighan mutexessis we pa'aliyetchilerning 5" - iyul weqesi" yüz bérip bir yildin kéyinki "shinjang"weziyitini közdin kechüridighanliqini ilgiri sürgen.
Muxbirimiz erkin
2010.07.16

Bayanatta yene, xitay hökümitining weqedin kéyin shinjangning iqtisadi shara'itni yaxshilashqa wede qilip, rayonning partiye sékritarini almashturghanliqi tekitlen'gen hemde yighinning muddi'asi, yéngi tereqqiyat pilani shinjangning kélechikige qandaq tüs béridu ? hökümet Uyghurlarning azap - oqubetlirige heqiqiy chare - tedbir tapamdu? hökümetning uchur kontroli bizning rayondiki weqelerni chüshinishimizge qandaq tesir körsetti? dégen mesililerge jawab tépish ikenliki bildürülgen.
Xitay hökümiti 5" - iyul weqesi" de 200 ge yéqin adem ölgenlikini élan qilghan bolsimu, lékin xelq'ara kishilik hoquq teshkilatlirining, mezkur weqening heqiqiy ehwali, 5 - chisla kéchisi néme ishlarning yüz bergenliki we ölgen adem sanigha nisbeten chongqur gumani bar bolup, ular xelq'ara jem'iyetning tekshürüsh élip bérishini telep qilmaqta idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.