Amérika xitay tor buzarlirining hujumigha keskin tedbir qollinidu
2013.02.01
“Nyu-york waqit géziti” we “Wal strit zhurnal géziti” ning peyshenbe küni xewer qilishiche, bu ikki gézitning tori xitay tor buzarlirining hujumigha uchrighan. “Nyu-york waqit géziti” yéqinda xitay bash ministiri wén jyabaw a'ilisining 2 milyard 700 milyon dollarliq mal-mülki barliqini xewer qilghan. “Nyu-york waqit géziti” xitay tor hujumining herbiy terep bilen alaqidar ikenlikini ilgiri sürgen.
Birleshme agéntliqining xewer qilishiche, ikki sabiq amérika emeldari hökümetning istixbarat doklati teyyarlawatqanliqi, doklatta xitayning tor hujumi heqqide tepsiliy toxtilidighanliqini bildürgen.
Amérika dölet ishlar ministiri hilariy klinton xanim muxbirlarni ziyaritini qobul qilip,: xitay bizning torlirimizni buzushqa urunuwatqan birdin-bir döler bolsimu, biraq biz xitaygha shuni éniq éytip qoyushimiz kérek. Amérika tedbir qollinip, hökümet torlirini qoghdap qalmay, xususi karxanilarnimu bu xil qanunsiz qilmishlardin qoghdaydu dégen.
Amérika hökümitining qandaq keskin tedbir qollinidighanliqi melum emes. Lékin amérika dölet mudapi'e ministirliqi yéqinda tor mudapi'e qisimlirini köpeytidighanliqini élan qilghan. Xitay hökümiti tor hujumini izchil ret qilip keldi. Xitay dölet mudapi'e ministirliqi “Nyu-york waqit géziti” ning torigha hujum qilish weqeside herbiy terepning qoli barliqini “Asassiz” dep ret qilghan.