Amérikida xitayning téxnika jasusluqigha a'it weqeler ashkarilandi

Eyibnamide éytilishiche, merkizi sichüende turushluq pen'gang shirkiti kaliforniyidiki qanalliri arqiliq amérikining dangliq ximiyilik mehsulatlar shirkiti “Dupont” ning bir qanche muhim téxnikisini oghrilighan.

Buningdin sirt, charshenbe küni chikago sot da'iriliri xitaygha chétishliq yene bir téxnika jasusluq délosini ashkarilidi. Amérika puqrasi bolghan xen jüenjin esli motorola shirkitining énzhiniri bolup, u 2007-yili motorola shirkitining soda mexpiyetliklirige a'it bir chamdan höjjet bilen kétiwatqanda chikago ayrodromida qolgha chüshken.

Amérika sot da'iriliri charshenbe küni uning “Soda mexpiyetliklirini oghrilash jinayiti” ni békitken. Emma uning üstidiki “Amérikigha qarshi iqtisadiy jinayet ötküzüsh” deydighan eyibname aghdurulghan. Sot da'iriliri “Xen jüenjinning bu herikiti motorola shirkitige xa'inliq qilish bolsimu, emma buningdin xen jenjün özi puqraliqigha ötken ikkinchi wetini amérikigha xa'inliq qildi, dégen menini chiqarghili bolmaydu” dégen. Igilinishiche, xenning jinayiti heqqidiki axirqi qarar 4-ayda élan qilinidiken.

Yuqiridiki xitaygha chétishliq téxnika jasusluq weqeliri xitay mu'awin re'isi shi jinpingning amérika ziyariti bashlinishtin awwal ashkarilandi. Hazir közetküchiler, ikki dölet otturisidiki uchrishishlargha qiziqmaqta, bügün shi jinping amérika mu'awin prézidénti jo baydin'gha téléfon qilip, amérika bilen yaxshi munasiwetni saqlap qalidighanliqining ségnalini bergen.