Хитайниң америка полат мәһсулатиға баҗ қоюши чәкләнди

Дуня сода тәшкилати 18-өктәбир елан қилған һөкүм намисидә хитайниң америка полат мәһсулатлириға баҗ қоюш чарисини қанунсиз дәп елан қилди.
Мухбиримиз җүмә
2012-10-20
Share

Хитай һөкүмити америкиниң охайо штатида ишләп чиқирилидиған двигател вә електр маторларға ишлитидиған алаһидә полат мәһсулатиға баҗ қоймақчи болған. Обама һөкүмити хитайниң бу қарариға етираз билдүрүп, дуня сода тәшкилатиға әрз сунған иди.

Дуня сода тәшкилати 18-өктәбир сода тәшкилатиниң мизанлирини асас қилип туруп чиқарған һөкүмнамисидә хитайниң америка полат мәһсулатиға баҗ қоюшни “қанунсиз” дәп, чәклиди.

Хитай сода министирлиқиму 19-өктәбирдики баянатида дуня сода тәшкилатиниң қарари бойичә иш көридиғанлиқини билдүрди.

Бу обама һөкүмитиниң хитай билән болған сода дәвасида икки қетим утуп чиқиши.

Мәлум болушичә, обама һөкүмити йәнә әқлий мүлүк һоқуқи, хам әшя вә сийрәк топа експорти қатарлиқ мәсиләрдә хитай устидин дуня сода тәшкилатиға әрз сунған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт