Xitayning amérika polat mehsulatigha baj qoyushi cheklendi

Dunya soda teshkilati 18-öktebir élan qilghan höküm namiside xitayning amérika polat mehsulatlirigha baj qoyush charisini qanunsiz dep élan qildi.
Muxbirimiz jüme
2012-10-20
Share

Xitay hökümiti amérikining oxayo shtatida ishlep chiqirilidighan dwigatél we éléktr matorlargha ishlitidighan alahide polat mehsulatigha baj qoymaqchi bolghan. Obama hökümiti xitayning bu qararigha étiraz bildürüp, dunya soda teshkilatigha erz sun'ghan idi.

Dunya soda teshkilati 18-öktebir soda teshkilatining mizanlirini asas qilip turup chiqarghan hökümnamiside xitayning amérika polat mehsulatigha baj qoyushni “Qanunsiz” dep, cheklidi.

Xitay soda ministirliqimu 19-öktebirdiki bayanatida dunya soda teshkilatining qarari boyiche ish köridighanliqini bildürdi.

Bu obama hökümitining xitay bilen bolghan soda dewasida ikki qétim utup chiqishi.

Melum bolushiche, obama hökümiti yene eqliy mülük hoquqi, xam eshya we siyrek topa éksporti qatarliq mesilerde xitay ustidin dunya soda teshkilatigha erz sun'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet