Америка деңиз армийә адмирали хитайниң һәрбий тәрәққияти өзлирини тәшвишкә селиватқанлиқини билдүрди

Хоңкоңда зиярәттики америкиниң "җорҗ вашингтон" намидики авиаматкисиниң қомандани, деңиз армийә адмирали кәвин донеган, хитай һәрбий тәрәққиятиниң өзлирини тәшвишкә селиватқанлиқини әскәртип, бейҗиң даирилирини һәрбий күчини тәрәққи қилдурушидики мәқситини айдиңлаштурушқа чақирди.
Мухбиримиз әркин
2009-10-30
Share

"Җорҗ вашингтон" намидики авиаматка пәйшәнбә күни бир қанчә күнлүк зиярәт үчүн хоңкоң деңиз портиға келип тохтиған иди. Кәвин донеган җүмә күни мухбирларға баянат берип, хитай һәрбий күчиниң "мислисиз сүрәт" билән кеңийиватқанлиқини, америка хитайниң һәрбий кеңәймичилики районда сарасим пәйда қилишни мәқсәт қилмайдиғанлиқини билишкә қизиқидиғанлиқини билдүргән.

Хитай бу йилқи һәрбий хам чотини йәнә 15% көпәйтип, америка һәрбий даирилиридә хитайниң келәчәктики мәқситигә нисбәтән чоңқур шүбһә пәйда қилған иди.

Кәвин донеган хоңкоңда мундақ дегән": биз һәрбий күчниң бу сүрәт билән кеңийиватқанлиқини көргәндә, униң ап - ашкарилиқи вә бу күчниң немә мәқсәткә ишлитидиғанлиқини чүшинишкә қизиқимиз."

Донеган бу сөзләрни хитай мәркизи һәрбий ишлар комитетиниң муавин рәиси шуй сәйху вашингтонни зиярәт қилип, әмдила дөлитигә қайтқан мәзгилдә тәкитлигән.

Хитай йеқинқи 20 йилдин буян һәрбий хам чотини һәр йили 10 нәччә пирсәнттиин көпәйтип кәлди. Хитайниң бу йилқи ашкара елан қилған һәрбий хам чоти 71 милярд доллар болуп, вашингтондики анализчилар бу сан хитай һәрбий хам чотиниң пәқәт бир қисмидин ибарәт, дәп қаримақта иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт