Amérika, xitaydin herbiy tereqqiyatta ashkariliqni yene bir qétim telep qildi

Amérika yillardin béri, xitaydin herbiy ishlardiki xupiyanilikke xatime bérishni izchil telep qilip kelgen. Buning bilen xitay 2007 ‏- yildin bashlap, b d t gha özining yilliq herbiy xirajitini doklat qilishqa bashlighan we her qétimliq herbiy manéwirigha bashqa döletlerni közetküchilikke teklip qilghan.
Muxbirimiz shohret hoshur
2010-08-17
Élxet
Pikir
Share
Print

Pentaganning tünügünki yilliq doklatida, xitayning herbiy tereqqiyatidiki ashkariliq derijiside belgilik ilgirileshler bolghanliqini, lékin buning téxi yéterlik derijide emeslikini bildürgen. Doklatta, eger ashkariliq telepke yetmise, ikki terep herbiy saheside öz ‏- ara uqushmasliq we xata höküm chiqirip qélish éhtimalliqini bildürüp agahlandurghan.

Bügün teywen dölet mudapi'e ishlirining bayanatchisimu söz qilip, gerche ma yingju, xitay bilen munasiwetni yaxshilash üchün köp tirishchanliq körsetken bolsimu, xitayning teywen'ge hujum qilish niyitidin téxi yanmighanliqini we amérikidin teywen'ge F - 16 qatarliq ilghar tiptiki herbiy qorallarni sétiwélish arqiliq, teywenning mudapi'e küchini ashurush kéreklikini bildürgen.

Toluq bet