Америка даирилири хитайни иранға ярдәм бәрмәсликкә чақирди

Америка даирилири хитайни иранниң ядро вә башқурулидиған бомба технологийиси тәрәққиятиға ярдәм бәрмәсликкә чақирди. "Вашингтон почтиси" гезитидә бу һәқтә берилгән хәвәрдә көрситишичә, обама һөкүмити бир қисим хитай ширкәтлириниң иранға қоюлған ембарго низамлириға хилап һалда, иранға мутәхәссислирини әвәтип, иранниң ядро қурулушиға ярдәм бериватқанлиқини илгири сүргән.
Мухбиримиз җүмә
2010.10.18

Хәвәрдә нәқил қилишичә, нам - шәрипини ашкарилашни халимиған бир һөкүмәт хадими, америка ташқи ишлар министирлиқиниң иран ишлириға мәсул хадими роберт енһорниң иранға мулазимәт қиливатқан хитай ширкәт вә банкилириниң тизимликини хитайға тапшурғанлиқини илгири сүргән.

Хәвәрләргә қариғанда, америкидики хитай әлчиханиси хадими һөкүмитиниң мәзкур вәқә үстидә тәкшүрүш елип баридиғанлиқини билдүргән.

Иранниң уран қоюлдуруш қурулушини үзлүксиз елип бериши ғәрб әллири арисида наразилиқ пәйда қилған вә бирләшкән дөләтләр тәшкилати бу йил июнда иранға қариши йәнә ембарго қойған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.