Amérika da'iriliri xitayni iran'gha yardem bermeslikke chaqirdi

Amérika da'iriliri xitayni iranning yadro we bashqurulidighan bomba téxnologiyisi tereqqiyatigha yardem bermeslikke chaqirdi. "Washin'gton pochtisi" gézitide bu heqte bérilgen xewerde körsitishiche, obama hökümiti bir qisim xitay shirketlirining iran'gha qoyulghan émbargo nizamlirigha xilap halda, iran'gha mutexessislirini ewetip, iranning yadro qurulushigha yardem bériwatqanliqini ilgiri sürgen.
Muxbirimiz jüme
2010.10.18

Xewerde neqil qilishiche, nam - sheripini ashkarilashni xalimighan bir hökümet xadimi, amérika tashqi ishlar ministirliqining iran ishlirigha mes'ul xadimi robért énhorning iran'gha mulazimet qiliwatqan xitay shirket we bankilirining tizimlikini xitaygha tapshurghanliqini ilgiri sürgen.

Xewerlerge qarighanda, amérikidiki xitay elchixanisi xadimi hökümitining mezkur weqe üstide tekshürüsh élip baridighanliqini bildürgen.

Iranning uran qoyuldurush qurulushini üzlüksiz élip bérishi gherb elliri arisida naraziliq peyda qilghan we birleshken döletler teshkilati bu yil iyunda iran'gha qarishi yene émbargo qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.