Amérika döletlik xitay ishliri komitéti yilliq doklat élan qildi

Amérika dölet mejlisi we hökümitining xitay ishliri komitéti ötken jüme küni özining 2009 - yilliq doklatini élan qildi. Bu doklatta xitayning bu bir yil jeryanidiki kishilik hoquq, qanun hem bashqa sahelerge mensup köp tereplimilik mesililiri közitilgen bolup, tibet we Uyghur élidiki weziyetkimu alahide orun bérilgen.
Muxbirimiz ümidwar
2009.10.18

Mezkur komitét her yili özining doklatini élan qilip kelmekte. Ilgirikidin perqliq terep shuki, 2008 - yilliq we 2009 - yilliq doklatta mexsus Uyghur éligha a'it bölek ajritilghan bolup, buningda asasliq Uyghurlarning kishilik hoquq, diniy étiqad, qosh til ma'aripi, emgekchiler mesilisi qatarliq köp türlük duch kéliwatqan mesililiri yorutulghan.

2009 - Yilliq doklatning mexsus Uyghur éligha a'it qisimi 30 betler etrapida bolup, yuqiri qeyt qilin'ghan türlük mesililerdin bashqa yene 5 - iyul ürümchi namayishi shuningdek xitay da'irilirining keng kölemlik tutqun qilish ehwaligha munasiwetlik türlük melumatlar kirgüzülgen.

Amérika dölet mejlisi we hökümitining xitay ishliri komitéti dölet mejlisi awam palatasining 9, kéngesh palatasining 9 neper ezasidin shuningdek yene hökümetning besh neper emeldaridin terkip tapqan orundur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.