Amérika palata ezaliri kishilik hoquq adwokati jyang tyenyungning tutqun qilinishigha naraziliq bildürdi

Jyang tyenyung mushu ayning béshida amérika dölet mejiliside échilghan bir qétimliq ispat bérish yighinigha qétilghan we xitayning kishilik hoquq weziyitidiki adaletsizliklerni pash qilghan. U yighindin kéyin béyjinggha qaytqan we amérikining béyjingdiki elchixanisigha iltimas sunup prézidént obama bilen béyjingdiki kishilik hoquq pa'aliyetchilirini körüshtürüshni telep qilghan. Shuningdin bir kün kéyin yeni 11 ‏- ayning 19 ‏- küni jyang tyenyung saqchilar teripidin tutqun qilinip soraqqa tartilghan.

Jyang tyenyung amérika dölet mejliside échilghan ispat bérish yighindin birqanche kün awwal, washin'gtondiki bir tetqiqat merkizide Uyghurlar heqqide söz qilghan. U sözide 5 - iyul weqeside xitay hökümitining heddidin artuq küch qollan'ghanliqini, Uyghurlarning yillardin béri hökümet tereptin tengsiz mu'amilige uchrap kéliwatqanliqini otturigha qoyghan idi.

Jyang tyenyungning obamaning xitay ziyariti dawamida tutqun qilinishi, obamaning insan heqliri mesiliside xitaygha yumshaq pozitsiye tutqanliqining netijisi dep qaralmaqta.