Amérika maliye ministiri tim géytnér xitay ziyaritini bashlidi

Amérika maliye ministiri tim géytnér tunji qétimliq xitay ziyaritini bashlidi. Amérika maliye ministirining xitay sepirining ikki döletning iqtisadiy munasiwetliride muhim ehmiyetke ige ikenliki bahalanmaqta.
Muxbirimiz ümidwar
2009-05-31
Share

Géytnér yekshenbe küni béyjinggha yétip kelgen bolup, u bu qétim xitay dölet re'isi xu jintaw, bash ministiri wén jyabaw qatarliq xitay aliy rehberliri bilen körüshüp pikir almashturmaqchi.

Géytnérning bu sepiride xitay terepke obama hökümitining ilgiriki bush hökümitidin perqliq iqtisadiy siyaset yürgüzidighanliqidin signal bérish shuningdek xitay terep bilen qandaq qilghanda iqtisadiy tereqqiyatni ilgirilitishni muzakire qilish muddi'a qilin'ghanliqi perez qilinmaqta.

Tehlilchiler yene, tim géytnérning xitay hökümitini qayil qilip, béyjingni amérikining zayomlirini köplep sétiwélishqa we yumshaq charilar bilen xitayni xelq pulining qimmitini tengsheshke ilhamlandurushnimu meqset qilidighanliqini otturigha qoyushmaqta.

Géytnér, béyjingni xelq'ara pul - mu'amile teshkilatining terkibide turup, öz rolini téximu jari qildurushqa ündigen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet