Amérika dölet mejlisi wekilliri xitay sepirini bashlidi

Birleshme agéntliqining xewer qilishiche, pelosi xanim bu qétim xitayda échilidighan amérika - xitay hawa kilimati we énérgiye mesilisige a'it yighin'gha qatnishidu. Pelosi xanim bashchiliqidiki wekiller ömiki seyshenbe küni béyjingda xitay xelq qurultiyining mudiri wu banggo qatarliq bir qisim xitay aliy rehberliri bilen körüshide hemde énérgiye mesilisige a'it yighin'gha ishtirak qilidu.

Shangxey shehiri nensi pélosi xanim yétekchilikidiki amérika dölet mejlisi wekiller ömikining birinchi békiti bolsimu, lékin uning asasliqi pa'aliyiti yeni xitay terep bilen amérika - xitay iqtisadiy, énérgiye hemkarliqlirini ashurushqa a'it söhbiti béyjingda élip bérilidu.

B b s ning xewer qilishiche, pélosi xanim özining bu qétimqi sepiride xitay rehberlirige insan hoquqi mesilisini otturigha qoyushqa a'it so'allargha jawab bermigen bolup, eslidin tibetlerning rohaniy dahiyisini qollap kelgen we 1989 - yili'ediki ti'ananmen weqeside qirghin qilin'ghan oqughuchilargha hésdashliq qilip, xitay hökümitini bu mesilide eyibligen pelosi xanimning béyjing ziyariti ti'ananmen weqesining 20 yilliqigha toghra kelgen bolup, uning sepiri insan hoquqi pa'aliyetchilirining qiziqishini qozghidi.

Pélosi xanim hetta ötken yili tibetlerning lasadiki namayishi basturulghanda, hindistanning shimaldiki tibetler merkizi darimsalaggha bérip, dalay lama bilen körüshkende hemde béyjing hökümitini tenqid qilghan idi. Emma, u bu qétim tibet, Uyghur we falun'gongchilar kishilik hoquq mesililirini tekitlemdu yoq, téxi hazirche éniq emes.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar