Amérika dölet mejlisi xitaygha pul qimmiti mesiliside jaza qollinidighan qanun layihisi maqullidi

Amérika dölet mejlisi xitaygha xelq pulining qimmitini özgertish heqqide bésim ishlitidighan qanun layihisini maqullidi. Qanun layihisi prézidént obama teripidin imzalan'ghandin kéyin, resmiy yolgha qoyulidiken. Qanun yolgha qoyulghan teqdirde amérikigha import qilin'ghan xitay mallirigha jaza xaraktérlik chégra béji qoyulidiken.
Muxbirimiz irade
2010-09-30
Share

B b s ning xewer qilishiche, amérika dölet mejlisi ezaliri xitay hökümitining xelq pulining qimmitini qesten töwen tutush arqiliq adaletsiz soda muhiti shekillendürgenlikini, amérikining öz sana'itini qoghdash üchün buninggha qarshi tedbir élishi kéreklikini ilgiri sürüp, mezkur qanun layihisini maqullighan.

Xitay xelq pulining oborottiki qimmitining töwen bolush mesilisi, uzundin buyan amérika - xitay arisida ixtilap peyda qilip kéliwatqan idi.

Bügün xitay tashqi ishlar ministirliqining bayanatchisi jyang yü bu heqte bayanat bérip, eger mezkur qanun yolgha qoyulsa , buning ikki dölet munasiwitige, shundaqla dunya iqtisadining yaxshilinishigha eks tesir körsitidighanliqini ilgiri sürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet