ئامېرىكا كېڭەش پالاتاسىنىڭ بىر قىسىم ئەزالىرى ئامېرىكا سودا مىنىستىرىنى خىتاينىڭ پۇل سىياسىتىگە قارشى تەدبىر ئېلىشقا چاقىردى

ئامېرىكا كېڭەش پالاتاسىنىڭ جۇمھۇرىيەتچى ۋە دېموكراتلاردىن بولۇپ 15 نەپەر ئەزاسى ئامېرىكا سودا مىنىستىرى لۇ جياخۇينى خىتاينىڭ پۇل سىياسىتىگە قارشى تەدبىر ئېلىشقا چاقىرىپ، خىتاينىڭ خەلق پۇلى سىياسىتى خىتاي ئېكسپورت تاۋارلىرىغا قوشۇمچە ياردەم بېرىش رولى ئويناۋاتقانلىقىنى بىلدۈردى.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ
2010.02.26

كېڭەش پالاتا ئەزالىرىنىڭ خېتىدە، "خىتاينىڭ پۇل-مۇئامىلە بازىرىغا ئارىلىشىپ ۋە خەلق پۇلىنىڭ كۇرسىنى كۆرۈنەرلىك چۈشۈرۈپ، خىتاي ئېكسپورت تاۋارلىرىغا قوشۇمچە ياردەم بېرىۋاتقانلىقىدا شۈبھە يوقتۇر" دەپ تەكىتلەنگەن. ئامېرىكا دۆلەت مەجلىس ئەزالىرى ۋە كارخانىلىرىنىڭ شىكايەت قىلىشىچە، خىتاي خەلق پۇلىنىڭ كۇرسىنى 40% چۈشۈرۈپ، سودىدا ئادالەتسىز رىقابەت ئۈستۈنلۈكىگە ئېرىشىۋاتىدۇ.

پرېزىدېنت ئوباما 2008 ‏- يىلى سايلام جەريانىدا خىتاينى خەلق پۇلىنىڭ كۇرسىنى چۈشۈرۈپ، سودىدا ئادالەتسىز پايدا تېپىش بىلەن ئەيىبلىگەن. لېكىن ئۇ سايلامدا غەلىبە قىلىپ، ھاكىمىيەت سورىغاندىن كېيىن خىتاينى پۇل كۇرسىنى كونترول قىلىدىغان دۆلەتلەر تىزىملىكىگە كىرگۈزۈشنى ئىككى قېتىم رەت قىلدى.

بېيجىڭ ھۆكۈمىتى بولسا، ئامېرىكا - خىتاي سودىسىدىكى ئامېرىكىنىڭ پاسسىپ بالانسىنى خەلق پۇلىنىڭ قىممىتى كەلتۈرۈپ چىقىرىۋاتقانلىقىنى رەت قىلىپ، ئەگەر ئامېرىكا تەدبىر قوللانسا بۇنىڭغا كۈچلۈك ئىنكاس قايتۇرۇدىغانلىقىنى ئاگاھلاندۇرۇپ كەلگەن. كېڭەش پالاتا ئەزالىرىنىڭ لۇ جياخۇيغا يازغان خېتىدە يەنە، ئامېرىكا سودا قانۇنىغا ئاساسەن، خىتاينىڭ خەلق پۇلى سىياسىتىنى ئېكسپورت تاۋارلىرىغا قوشۇمچە ياردەم بەرگەنلىك دەپ تونۇشنى تەلەپ قىلغان.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.