Amérika dölet mejlis ezaliri xitayning quyash énirgiye mehsulatlirigha qoyulidighan baj türini ashurushni telep qildi

Bügün amérika dölet mejlisidiki bir qisim ezalar birlikte bayanat élan qilip, barak obama hökümitidin xitayning quyash énirgiye taxtilirigha qoyulidighan bajning türlirini ashurushni telep qildi. Ular xétide, yéqinda amérika soda ministirliqi teripidin chiqirilghan, import qilin'ghan batariye ishlitilgen quyash énirgiye taxtilirigha bajni 30 pirsent töwenlitish qararini tenqid qilip, buning xitaydiki quyash énirgiye taxtisi ishlepchiqiridighan shérketlerning özi qurashturghan batariyilerni chet'eldin kirgüzgen dep körsitishge we bu arqiliq bajdin özini qachurushigha yol échip béridighanliqini bildürdi.
Muxbirimiz irade
2012-09-27
Share


Amérika soda ministirliqi 10 - ayda quyash énirgiye sahesidiki yéngi baj siyasitini élan qilidighan bolup, amérikiliq quyash énirgiye shérketliri yéngi baj siyasitide özlirini xitayning adaletsiz riqabitidin qoghdaydighan qararlarning élinishini kütmekte. Ular aldinqi yili élan qilghan doklatida, xitay hökümitining adil tijaret usullirigha xilap halda quyash énirgiye shirketlirige maliye yardimi bérish arqiliq tennerxni töwenlitip, éksportni ashuruwatqanliqini we xelq'ara quyash énirgiye baziridiki bahani qalaymiqan qiliwatqanliqini bildürgen idi.

Amérika dölet mejlisi ezaliri obama hökümitini mezkur mesilige sel qarimasliq heqqide agahlandurup, uni amérikiliq ishlepchiqarghuchilarning menpe'etini qoghdashqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet