Bir amérikiliq missyonér shimaliy koriye rehbiri kim jong'ilgha yézilghan bir parche xetni élip shimali koriye chégrisidin ötti

Melum bolushiche, xet shimaliy koriyide türmige tashlan'ghan siyasiy mehbuslar we shimaliy koriyidiki kishilik hoquq mesilige qarita dunya jama'etchiliki we kim jong'ilning diqqitini jelp qilish meqsitide yézilghan.
Muxbirimiz jüme
2009-12-26
Share

Shimaliy koriyige mezkur xetni élip kirgüchi amérikining arizona shtatida yashaydighan kuriyan amérikiliq robért park bolup, u xitay chégrisi arqiliq tuman deryasidin ötüp shimaliy koriyige kirgen.

Halbuki missyonér robért parkning shimaliy koriye da'iriliri teripidin qolgha élin'ghan yaki élinmighanliqi hazirche namelum iken.

Melumatlargha qarighanda shimaliy koriyige qanunsiz kirish jinayitige 3 yilliq qamaq jazasi bérilip, shimaliy koriye egmek bilen özgertish meydanlirigha qamilidiken.

Bu yil yazda, 2 neper amérika muxbirimu shimaliy koriyige qanunsiz kirgen dégen jinayet bilen 3 yilliq qamaq jazasigha höküm qilin'ghan idi. Kéyin sabiq amérika prézidénti bil klinton shexsen özi shimaliy koriye bérip, bu ikki neper amérikigha puqrasini qutuldurup chiqqan idi.

Nöwette xitayning béyjing shehiridiki amérika elchi xanisi robértning ehwaligha yéqindin köngül boluwatqanliqi, emma uning teqdirining qandaq bolghanliqi heqqide héchqandaq melumatqa ige emeslikini ilgiri sürgen.

Shimaliy koriye siyasiy mehbuslargha ölüm jazisi béridighan mustebit döletlerning biri. Shimaliy koriye xitayning ittipaqdashliridin biri bolup, shimaliy koriyidimu pikir, axbarat we diniy éytqan erkinlikini éghir derijide cheklen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet