Америка хитайниң сирәк тупа имбаргоси буйичә мәхсус тәкшүрүш елип бармақта

Франсийә агентлқиниң баян қилишичә, хитай америкиға сирәк тупа икиспорт қилишни аллиқачан чәклгәнликини гәрчә һазир иқрар қилмисиму, әмма америка һазир йәнила, хитайниң сирәк мениралларни икиспорт қилишни чәкләш мәсилиси буйичә мәхсус тәкшүрүш елип беришқа башлиди.
Мухбиримиз вәли
2010.10.20

Хоңкоң учур вастилириниң, хитай сирәк тупа икиспорт қилиш җәһәттә японийигә қойған имбаргосини америка вә явропа дөләтлиригә кеңәйтти, дегән хәвири түнүгүн нюйорк таймис гезитидә бесилған иди.

Америка авазиниң баян қилишичә, америка сода миниситирлиқи ашкарилиған мәлуматлардин қариғанда, һазир дуняда алий техникилиқ назук һәрбий қорал, янфон, компютер, аптомобилларниң електронлуқ чатмилири қатарлиқ йеңичә ениргийә мәһсулатлири вә алий техника буюмлирини ишләпчиқиришта ишлитилидиған сирәк тупа (йәр шарида кам учрайдиған менераллар) ниң 90% и хитайдин икиспорт қилиниватиду.

Әгәр хитай буниңдин кейин келишимгә әмәл қилмса, хәлқарада сирәк тупа мәсилиси буйичә җиддий сода уруши йүз бериши мумкин.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.