Гәри лок: 'әмди америка - хитай оттурисидики сода тәңпуңсизлиқи түзүтилиши керәк'

Франсийә агентлиқиниң баян қилишичә, америка сода министири гәри лок (лоҗахуй) һазир хитайни зиярәт қиливатиду. У бүгүн шаңхәйдә, америка - хитай оттурисидики содида келип чиққан қизил рәқәмни азлитиш үчүн, әмди бу икки дөләт оттурисидики содидики тәңпуңсизлиқ баланс қилиниши керәк, буниң үчүн хитай чоқум америка маллирини импорт қилишни көпәйтиши керәк, дәп көрсәтти.
Мухбиримиз вәли
2010-05-19
Share

Хәвәрдә ейтилишичә, һазир америка билән хитай оттурисидики содида пәйда болған қизил рәқәм 226 милярд 800 милйон америка доллириға йәтти.

Америка авазиниң баян қилишичә, америка сода министири гәри лок хитайға, пәқәт хитайниң нәқ пул җуғланмисини азайтиш билән чәтәл маллириға болған еһтияҗини ашурғанда, андин дуня иқтисади тәңпуңлиққа йүзлиниду, дәп көрсәтти. У әмди бейҗиңға берип, америка ташқи ишлар министири һилларий клинтон билән бирликтә хитай билән истратегийилик иқтисадий сөһбәт өткүзиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт