Obama: amérika süriye mesiliside rusiye we xitay bilen bir septe turmaydu

Roytérs agéntliqining los kabostin bayan qilishiche,19 - iyun küni 20 dölet bashliqliri yighinida, hemme dölet süriyide dawamlishiwatqan urush intayin xeterlik ikenlikini, beshar asad texttin chüshürülüshi kéreklikini étirap qildi. Rusiye prézidénti wladimir putin bilen xitay re'isi xu jintaw gerche süriyidiki urushning xeterlik ikenlikini étirap qilsimu, emma beshar asadni texttin chüshürüshni ret qildi.
Muxbirimiz weli
2012.06.20


Birleshme agéntliqining bayan qilishiche, amérika prézidénti barak obama 20 dölet bashliqliri yighinida rusiye prézidénti wladimir putin we xitay re'isi xu jintawlar bilen uchrashqanda, süriye mesilisi heqqide sözleshti. U, xitay bilen rusiye süriyide yüz bériwatqan urushning xeterlik ikenlikini bilip turup, yenila amérika bilen bir septe turmaywatidu. Eger rusiye we xitay yenila b d t wekili kofi annanning süriyide urush toxtitish heqqide otturigha qoyghan teshebbusini ijra qilmisa, emdi amérikimu, rusiye we xitay bilen bir septe turmaydu, dep jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.