Amérika hökümitining teywen'ge qoral sétip bérish qarari muqimlashqan

Hökümet bu heqte resmiy bayanat bérishtin awwal, amérika dölet mejlisining alaqidar komitétliri bilen teywenning dölet mudapi'e éhtiyaji heqqide pikirleshken.

Melum bolushiche, sétip bérilidighan qorallar arisida UH - 60 tipliq "qara qarchugha" dep atilidighan tik uchar, "wetenperwer" namliq ilghar tiptiki bashqurilidighan bomba we dölet mudapi'e uchur alaqe téxnikisigha a'it ilghar üsküniler bar. Qararni ashkarilighan kishi, teywen'ge qoral sétip bérish qararining pat yéqinda resmiy élan qilinidighanliqini bildürgen؛ emma éniq künini éytmighan.

Bügün xitay tashqi ishlar bayanatchisi bu heqte pozitsiye bildürüp, amérikini teywen'ge qoral sétip bérish ishining sezgürlükini we jiddiyitini tonushqa chaqirghan hem yene qoral sétip bérishning ikki dölet munasiwitige éghir ziyan yetküzidighanliqini agahlandurghan.

Közetküchiler amérikining bu qétimqi teywen'ge qoral sétip bérish qararini "xitay - amérika munasiwitidiki chong bir sinaq" dep qarashmaqta.