Америка: хитай һөкүмити уйғурларниң паспорт елиш вә һәҗигә бериш ишлирини изчил қийинлаштурмақта

26 - Өктәбир дүшәнбә күни, америка ташқи ишлар министирлики " 2009 - йиллиқи хәлқара диний әркинлик доклати" ни елан қилди.
Мухбиримиз җүмә
2009.10.26

Доклатта, 2008 -- 2009 - йиллиқ доклат мәвсуми җәрянида, уйғур аптоном райони вә тибәтләрдә диний әркинликкә қаритилған чәкләш вә бастурушниң интайин қаттиқ һаләтни сақлап қалғанлиқи көрситилгән.

Доклатта мундақ дейилгән: һөкүмәтниң диний етиқад вә сиясий мәвқәлирини тинч йосунда ипадиләш һәрикәтлирини бөлгүнчилик вә диний әсәбийлик билән бағлиши сәвәблик, шинҗаң уйғур аптоном райони, тибәт аптоном райони вә башқа тибәт районлирида динға ишәнгүчиләр диний етиқад әркинлики җәһәттә қаттиқ азаб чәкти."

Доклатта, хитай һөкүмитиниң сүрийә, пакистан вә сәуди әрәбистан һөкүмәтлирини бу әлләрдә яшаватқан бир қисим уйғур мусулманларни қайтуруп беришкә мәҗбурлиғанлиқи һәмдә қайтуруп келингән бу хилдики бәзи кишиләрни түрмидә қийниғанлиқи вә етип ташлиғанлиқи көрситилгән.

Доклатта йәнә, хитай һөкүмитиниң уйғур мусулманларниң паспорт елиш вә һәҗигә бериш ишлирини изчил қийинлаштурғанлиқи оттуриға қоюлған.

Америка ташиқи ишлар министирлики һәр йили бир қетим дунядики дөләтләрниң диний әркинлик әһвали көрситилгән хәлқара диний әркинлик доклатини елан қилип тарқитиду вә америка дөләт мәҗлисигә тапшуриду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.