Amérika: xitay hökümiti Uyghurlarning pasport élish we hejige bérish ishlirini izchil qiyinlashturmaqta

26 - Öktebir düshenbe küni, amérika tashqi ishlar ministirliki " 2009 - yilliqi xelq'ara diniy erkinlik doklati" ni élan qildi.
Muxbirimiz jüme
2009.10.26

Doklatta, 2008 -- 2009 - yilliq doklat mewsumi jeryanida, Uyghur aptonom rayoni we tibetlerde diniy erkinlikke qaritilghan cheklesh we basturushning intayin qattiq haletni saqlap qalghanliqi körsitilgen.

Doklatta mundaq déyilgen: hökümetning diniy étiqad we siyasiy mewqelirini tinch yosunda ipadilesh heriketlirini bölgünchilik we diniy esebiylik bilen baghlishi seweblik, shinjang Uyghur aptonom rayoni, tibet aptonom rayoni we bashqa tibet rayonlirida din'gha ishen'güchiler diniy étiqad erkinliki jehette qattiq azab chekti."

Doklatta, xitay hökümitining süriye, pakistan we se'udi erebistan hökümetlirini bu ellerde yashawatqan bir qisim Uyghur musulmanlarni qayturup bérishke mejburlighanliqi hemde qayturup kélin'gen bu xildiki bezi kishilerni türmide qiynighanliqi we étip tashlighanliqi körsitilgen.

Doklatta yene, xitay hökümitining Uyghur musulmanlarning pasport élish we hejige bérish ishlirini izchil qiyinlashturghanliqi otturigha qoyulghan.

Amérika tashiqi ishlar ministirliki her yili bir qétim dunyadiki döletlerning diniy erkinlik ehwali körsitilgen xelq'ara diniy erkinlik doklatini élan qilip tarqitidu we amérika dölet mejlisige tapshuridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.