Америка вә японийә күрәшчи айропиланлири ортақ һәрбий маневир өткүзди

Сәйшәнбә күни америка вә японийә деңиз мудапиә қисимлириға аит күрәшчи айропиланлар ортақ һәрбий маневир елип барди. Франсийә агентлиқиниң хәвәр қилишичә, бу маневир хитайға аит һәрбий айропиланниң талаш-тартиштики сенкаку арилиға йеқинлишиш вәқәсидин бир қанчә күн кейинла елип берилди.
Мухбиримиз ирадә
2013.01.15
Share on WhatsApp
Share on WhatsApp

Маневирға америкиға аит 6 данә FA-18 типлиқ күрәшчи айропилан вә 90 нәпәр америка һәрбий хадими вә японийигә аит 4 данә F-4 күрәшчи айропилан вә нурғунлиған һәрбий хадим иштирак қилған. Маневир японийиниң әң чоң 4 арилиниң бири болған шикоко арилида башланған болуп, 5 күн давам қилидикән.

Америка-японийә деңиз қисимлириниң ортақ маневири, шинзо абениң сенкаку мәсилисидики қаттиқ позитсийиси вә униң бундин кейин америка билән һәрбий һәмкарлиқни ашурушни оттуриға қоюшидин кейин өткүзүлүши көзәткүчиләрниң диққитини қозғиди.

Техи йәкшәнбә күни японийә қуруқлуқ қисимлири 300 дин артуқ һәрбий хадим, 20 дин артуқ һәрбий айропилан вә 30 дин артуқ һәрбий аптомобил бирликтә бир маневир елип барған. Бу маневир “дүшмән тәрипидин ишғал қилинған узақтики арални қайтуруп елиш” дәп аталған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.