Amérika we yaponiye küreshchi ayropilanliri ortaq herbiy manéwir ötküzdi

Seyshenbe küni amérika we yaponiye déngiz mudapi'e qisimlirigha a'it küreshchi ayropilanlar ortaq herbiy manéwir élip bardi. Fransiye agéntliqining xewer qilishiche, bu manéwir xitaygha a'it herbiy ayropilanning talash-tartishtiki sénkaku ariligha yéqinlishish weqesidin bir qanche kün kéyinla élip bérildi.
Muxbirimiz irade
2013.01.15
Share on WhatsApp
Share on WhatsApp

Manéwirgha amérikigha a'it 6 dane FA-18 tipliq küreshchi ayropilan we 90 neper amérika herbiy xadimi we yaponiyige a'it 4 dane F-4 küreshchi ayropilan we nurghunlighan herbiy xadim ishtirak qilghan. Manéwir yaponiyining eng chong 4 arilining biri bolghan shikoko arilida bashlan'ghan bolup, 5 kün dawam qilidiken.

Amérika-yaponiye déngiz qisimlirining ortaq manéwiri, shinzo abéning sénkaku mesilisidiki qattiq pozitsiyisi we uning bundin kéyin amérika bilen herbiy hemkarliqni ashurushni otturigha qoyushidin kéyin ötküzülüshi közetküchilerning diqqitini qozghidi.

Téxi yekshenbe küni yaponiye quruqluq qisimliri 300 din artuq herbiy xadim, 20 din artuq herbiy ayropilan we 30 din artuq herbiy aptomobil birlikte bir manéwir élip barghan. Bu manéwir “Düshmen teripidin ishghal qilin'ghan uzaqtiki aralni qayturup élish” dep atalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.