Amérika yaponiye bilen okinawada turushluq eskerliridin 9 ming kishini bashqa jaygha yötkep kétishke kélishken

Amérika bilen yaponiye amérika déngiz armiyisi piyade qisimlirining9 ming kishilik okinawada turushluq eskirini bashqa jaygha yötkep kétish mesiliside kélishim hasil qilghan.
Muxbirimiz erkin
2012.04.27

Ikki terepning jüme küni élan qilghan bu heqtiki bayanatida 9 ming kishilik déngiz armiye piyade qismining gu'am, haway we awstraliye qatarliq jaylardiki amérika herbiy bazilirigha yötkep apirilidighanliqini bildürgen.

Amérika dölet mudapi'e ministirliqining emeldarliri, okinawadiki amérika futénma herbiy bazisining orni mesilisidiki talash-tartish bilen déngiz armiye piyade qisimlirini yötkesh mesilisining ayrip bir terep qilinishi, amérika bilen yaponiyining diqqet nezirini tor bixeterliki, alem boshluqi, istixbarat, herbiy razwédka we bashqurulidighan bomba mudapi'e sistémisi qatarliq sahelerdiki hemkarliqqa qaritishigha paydiliq, dégen.

Yaponiye dölet mudapi'e ministiri tanaka, mezkur kélishim amérikining rayondiki herbiy küchining heywisini saqlap qalidighanliqi we kücheytidighanliqini bildürgen.

Bu kélishim xitay-yaponiye arisida sénkaku (dyawyüytey) arilining igilik hoquq mesilisi yene ixtilap qozghighan bir mezgilde hasil qilin'ghan idi. Tokyo sheher bashliqi séntaro séntaro yéqinda diyawyüytey arilini sétiwélish pilanini otturigha qoyup, i'ane toplaydighanliqini élan qilghan.

Amérika dölet ishlar ministiri hélari klinton, dölet mudapi'e ministiri lé'on panétta peyshenbe küni élan qilghan mezkur kélishim heqqidiki birleshme bayanatida, bu kélishim mezkur rayonining bixeterlik muhitidiki éniqsizliq küchiyiwatqan ehwalda, amérikining herbiy mewjutluqini kücheytip, yaponiyining mudapi'esige kapaletlik qilishni nishan qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.