Америка билән японийә бу йил 12 - айда бирләшмә һәрбий маневир елип берип, аралға чиқишни мәшиқ қилидиғанлиқини елан қилди

Японийә мәтбуатлириниң дүшәнбә күни хәвәр қилишичә, америка билән японийә даирилири бу йил 12 ‏ - айда һәрбий маневир елип берип, аралға чиқиш мәшиқи елип беришни қарар қилған.
Мухбиримиз әркин
2010-10-04
Share

Японийә кюдо агентлиқи америка әмәлдарлириниң сөзини нәқил кәлтүрүп, америка билән японийиниң бу йил 12 - айда икки дөләт деңиз армийилириниң бирләшмә һәрбий маневири елип беришни пиланлаватқанлиқини хәвәр қилди.

Анализчиларниң әскәртишичә, бу маневир 2009 ‏ - йили қарар қилинған болсиму, лекин буниң йеқинда хитай билән японийә арисида сенкаку тақим араллириниң игилик һоқуқини талишип йүз бәргән ихтилап сәвәбидин хитай - японийә мунасивити җиддийлишип кәткән бир пәйткә тоғра кәлгәнлики мәсилини техиму назуклаштуривәткән.

 японийиниң өткән һәптә бир хитай белиқчилар кемисини тутуп қелип, кемә капитанини бир мәзгил солап қоюши, хитай пуқралирида японға қарши өчмәнлик қозғиған. Хитай һөкүмити японийиниң хитайда турушлуқ баш әлчисини бир қанчә қетим чақиртип наразилиқ билдүргән һәм японийигә тәһдит салған иди.

Анализчилар әгәр маневир японийә - америка деңиз армийә қисимлириниң маневири аралға чиқишни мәзмун қилса вә маневирға америкиниң җорҗ вашингтон намлиқ авиаматкиси иштирак қилса, бу хитайниң ғәзипини қозғап, уни паракәндә қилмай қалмайдикән.

Америка билән японийә сенкаку тақим араллирини һуҗумдин қоғдаш маневирини 2006‏ - йили бир қетим елип барған. Шу қетимқи маневирда америка авиаматка қисимлирини қатнаштурған иди.

Японийә өткән һәптә хитай белиқчилар кемисини тутуп қалғанда хитай баш министири вен җябав японийини агаһландуруп, мәсилиниң ақивитигә игә болидиғанлиқини тәкитлигән. Шуниңдин кейин америка муавин президенти байден, америкиниң японийә тәрәптә туридиғанлиқидин бешарәт бәргән һәм "японийә - америка иттипақдашлиқини дуня бихәтәрлики вә муқимлиқиниң ул теши" дәп тәриплигән иди.

Кюдо агентлиқи 12‏ - айдики маневирниң японийә сенкаку араллири һуҗумға учриса униңға қандақ тақабил туруш вә арални қандақ қайтурувелишни тәқлид қилиш йосунида елип берилидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт