Обама бу йиллиқ асасий нишан америкидики ишсизлиқни һәл қилиш дәп көрсәтти

Америка президенти барак обама вәзипигә олтурғиниға бир йил тошқанлиқ мунасивити билән хәлққә қилған сөзидә бир йиллиқ хизмити вә 2010 - йиллиқ нишанлири үстидә тохталди. У сөзидә асаслиқи америкиниң иқтисадини вә хәлқниң параванлиқини арттуруш мәсилилирини алаһидә тәкитлиди.
Мухбиримиз ирадә
2010.01.28
Share on WhatsApp
Share on WhatsApp

У, 2010 - йилидики биринчи муһим иш техиму көп иш имкани яритип, америкидики мәвҗут ишсизлиқ мәсилисини һәл қилиш дәп көрсәтти.

Америка президенти барак обама сөзидә йәнә талаш - тартиш темиси бопқалған саламәтлик суғуртиси ислаһатини елип бериш қарариниң қәтий икәнликини билдүрди. У америкиниң ташқи сиясити һәққидә тохталғанда, ядро қораллирини америка үчүн әң зор тәһдит дәп көрсәтти вә: "иран һөкүмити ядро қораллири мәсилисидә билгинини қилишни давам қилидикән, буниң ақивитигиму тәйярлинип қоюши керәк" дәп иранни агаһландурди.

Америка президенти барак обама йәнә, афғанистандики америка әскәрлириниң саниниң көпәйтилидиғанлиқини вә 2011 - йилидин етибарән афғанистандики вәзийәтни контрол астиға елип болидиғанлиқини билдүрди. У йәнә ирақтики америка күчлириниң авғуст ейиниң ахирилиридин етибарән ирақтин чекинип чиқип кетидиғанлиқини алаһидә әскәртти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.