Б д т хитайни роһий кесәлгә гирипдар болған әнгилийилик әткәсчини өлтүрмәсликкә чақирди

Б д т ниң алий дәриҗилик тәкшүргүчи әмәлдари баянат елан қилип, хитай даирилирини роһий кесәлгә грипдар болған әнгилийилик зәһәрлик чекимлик әткәсчиси акмал шәйхниң өлүм җазасини иҗира қилмаслиққа чақирди.
Мухбиримиз әркин
2009-12-25
Share

Б д т ниң қанунсиз өлүм җазасиға қарши туруш ишлириға мәсул алий дәриҗилик тәкшүргүчи әмәлдари филип алстон пәйшәнбә күни хитай даирилирини агаһландуруп, әгәр хитай роһий кесәлгә гриптар болған бир кишиниң өлүм җазасини иҗра қилса "бу хитайниң зор қәдәм билән кәйнигә чекингәнликидур" дегән.

Филип алстон йәнә, "хитайда вә хәлқара қанунда роһий кесәлликкә гирипдар болған кишигә өлүм җазаси беришкә болмайдиғанлиқиға аит наһайити ениқ бәлгилимиләр барлиқи"ни билдүргән.

Бу йил 53 яшлардики акмал шәйх әнгилийә пуқраси болуп, хитай һөкүмити уни зәһәрлик чекимлик әткәсчилик җинайити садир қилиш билән әйибләп, өлүм җазасиға һөкүм қилған. У 2008 ‏- йили 4 килограм хероинни чамиданға қачилап үрүмчигә елип барғанда қолға елинип, шу йили өктәбирдә өлүм җазасиға һөкүм қилинған.

Әнгилийә дүшәнбә күни хитай даирилириниң акмалға берилгән өлүм җазасини пат арида иҗра қилмақчи болуватқанлиқини әскәртип, өлүм җазасини иҗра қилишни тохтитишни тәләп қилған иди.

Әнгилийә баш министири гордон бравин, акмалниң роһий кесәлликини нәзәрдә тутуп, хитайни униң җенини сақлап қелишқа үндигән. Әнгилийә ташқи ишлар министирлиқи хитай һөкүмити билән сөзлишип, униң җенини қутқузуп қелишқа тиришидиғанлиқини билдүргән. Лекин хитай һөкүмити акмалға берилгән өлүм җазасиниң тоғра болғанлиқида чиң турмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт