Öktichi rehber angsang suki bérma hökümitining bir qisim ijabiy qedemlirini medhiyilidi

Nobél tinchliq mukapatining sahibi, bérmiliq öktichi rehber angsang suki bügün 100din artuq muxbirgha söz qilip, bérma hökümitining démokratiye we erkinlik mesiliside yéqindin buyan basqan bir qisim ijabiy qedemlirige medhiye oqudi, emma u bérma hökümitining qilishqa tégishlik yene köpligen ishliri barliqini eskertti.
Muxbirimiz shöhret hoshur
2011.11.14

Bérma herbiy da'iriliri 1962-yili herbiy özgirish arqiliq hakimiyetni qolgha alghandin buyan, 2007-yili öktebirde tunji qétim omumiy saylam élip barghan. Saylamda herbiy da'iriler qollaydighan partiye üstünlük qazan'ghachqa, saylamning adilliqigha guman chüshken we yéngi hökümetning démokratik islahat élip bérishigha ümidsiz nezerde qarilip kelgen idi.

Yéqinqi aylardin béri, bérma hökümitining axbaratqa qarita kontrolni boshitishi, bir qisim ammiwi teshkilatlarni testiqlap qanuniylashturushi, bolupmu xitay meblegh salghan su éléktr qurulushining toxtitilishi, bérma xelqining yéngi hökümetke bolghan qarishida burulush peyda qilishqa bashlighan.

Angsang suki bügünki sözide, siyasiy mehbuslar we az sanliq milletler mesilisini bérmida nöwette jiddiy hel qilishqa tégishlik mesililer qatarida tilgha alghan. Melum bolushiche, nöwette 2000 din artuq siyasiy mehbus jaza mudditini ötimekte. Bérmidiki az sanliq milletlerdin kachinlar, milliy musteqilliq telipini qoralliq qarshiliq körsitish sheklide namayan qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.