26-Авғуст қатнаш қазаси йолучиларда кариватлиқ аптобусларға қарита вәһимини күчәйтти

26-Авғуст шәнши өлкисидики аптомобил қазасида кариватлиқ аптобустики 39 нәпәр йолучидин 36 адәмниң өлүши, хитайдики йолучиларда қатнаш бихәтәрликигә болған вәһимини күчәйтивәткән.
Мухбиримиз меһрибан
2012-08-31
Share

Хитай тор бекәтлиридики учурлардин мәлум болушичә, вәқәдин кейин хитайдики кариватлиқ аптобусларниң белити касатлашқан. Йәрлик қатнаш идарилири йолучиларға кариватлиқ аптобусларниң бихәтәрлик тәкшүрүшидин өткәнликини уқтурған болсиму, әмма көплигән йолучилар пойиз белити яки юмшақ орундуқлуқ аптобус белити елишни қарар қилған.

Йеқинқи йиллардин буян хитайниң тәрәққий қилған шәһәрлиридә, бихәтәрлик тәкитлинип, кариватлиқ аптобусларни ишлитиш әмәлдин қалдурулушқа башлиған. Әмма даириләр, уйғур елидә кариватлиқ йолучилар аптобусиниң йәнә 5 йилдин 8 йилғичә болған арилиқта әмәлдин қалдурулидиғанлиқини билдүргән. Мәлум болушичә, уйғур елидә нөвәттә ишлитиливатқан кариватлиқ аптобуслар 1500 болуп, бу сан шәндуң өлкисидә ишлитиливатқан кариватлиқ аптобуслардин 900, намрат өлкә дәп қаралған гәнсу өлкисидики кариватлиқ аптобуслардин 800 и көп икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт